ایکس سی ای او ایلون مسک نے کہا ہے کہ ان کی کمپنی اسپیس ایکس کے تیار کردہ اسٹار شپ راکٹ کے استعمال سے دنیا کے تمام شہروں کے درمیان فاصلہ اب ایک گھنٹے سے بھی کم کیا جا سکتا ہے۔ایلون مسک نے یہ دعویٰ X پر ایک صارف کی پوسٹ کے جواب میں کیا۔صارف نے تجویز پیش کی کہ SpaceX کو فیڈرل ایوی ایشن ایڈمنسٹریشن (FAA) سے Starship Earth-to-Earth پروازوں کے لیے منظوری مل سکتی ہے۔ صارف کا کہنا تھا کہ زمین پر کہیں بھی ایک گھنٹے سے بھی کم وقت میں سفر کرنا چاہیے، جس پر ایلون مسک نے کہا کہ اب یہ ممکن ہے۔SpaceX ایک ایسے نظام کا تصور کر رہا ہے جس میں اسٹار شپ لانچ کے بعد زمین کے ساتھ ساتھ "متوازن" سفر کر سکیں، جس سے دور دراز کے شہروں کے درمیان تیز رفتار ٹرانزٹ ممکن ہو سکے۔ڈیلی میل کی ایک رپورٹ کے مطابق اسپیس کا دعویٰ ہے کہ لاس اینجلس اور ٹورنٹو کے درمیان سفر کا وقت 24 منٹ، لندن اور نیویارک کے درمیان 29 منٹ اور دہلی اور سان فرانسسکو کے درمیان 30 منٹ ہو سکتا ہے۔ مسافروں کو ٹیک آف اور لینڈنگ کے دوران جی فورسز کا تجربہ ہوگا اور کم کشش ثقل والی پرواز کے دوران انہیں پٹے باندھنے کی ضرورت ہوگی۔
