واٹس ایپ میں ایک نیا ڈرافٹ فیچر متعارف کرایا گیا ہے۔اس فیچر کا مقصد صارفین کو پیغامات مکمل کرنے اور بھیجنے میں مدد کرنا ہے جو وہ چیٹ میں لکھتے ہیں اور بھیجنا بھول جاتے ہیں۔کمپنی کی جانب سے جاری کردہ ایک بیان میں کہا گیا ہے کہ اس فیچر کا مقصد صارفین کو اپنے نامکمل پیغامات تلاش کرنے اور بھیجنے کا آسان اور موثر طریقہ فراہم کرنا ہے۔بیان میں کہا گیا ہے کہ یہ فیچر اس وقت بہت مددگار ثابت ہو گا جب کسی وجہ سے صارف میسج ٹائپ کرتے وقت کسی اور چیز میں مصروف ہو جائے یا سینڈ بٹن پر کلک کرنا بھول جائے۔اس فیچر سے صارفین کو فوری طور پر ان میسجز کو بھیجنے کا موقع ملے گا اور انہیں تلاش کرنے میں وقت ضائع نہیں ہوگا۔میٹا کے چیف ایگزیکٹو مارک زکربرگ نے اس فیچر کا اعلان کرتے ہوئے بتایا کہ ہم سب کو اس فیچر کی ضرورت ہے۔انہوں نے کہا کہ ڈرافٹ انڈیکٹر فیچر کو دنیا بھر میں اینڈرائیڈ اور آئی او ایس ڈیوائسز کے لیے متعارف کرایا جا رہا ہے۔ درحقیقت اس فیچر کو استعمال کرنے کے لیے آپ کو خود کچھ کرنے کی ضرورت نہیں۔اگر کسی چیٹ میں آپ میسج کو بھیجنا بھول گئے ہیں تو جب بھی آپ ایپ کو اوپن کریں گے، وہ چیٹ سب سے اوپر نظر آئے گی اور اس پر ڈرافٹ لکھا نظر آئے گا۔اس کو اوپن کرکے اپنے میسج کو سینڈ کر دیں،اس طرح انہیں ایسے میسج کو تلاش کرنے کے لیے وقت ضائع نہیں کرنا پڑے گا جو وہ کسی وجہ سے سینڈ نہیں کرسکے تھے۔
