پشاور میں پاکستانی نژاد برطانوی شہری شاہ حسین کے قتل کا ڈراپ سین کر دیا گیا۔پولیس کے مطابق پاکستانی نژاد برطانوی شہری کے قتل میں بیوی، ساس اور دیگر رشتہ دار ملوث تھے۔پولیس کا کہنا ہے کہ ملزمان نے 10 نومبر کو قاضی کلے میں شاہ حسین نامی نوجوان کو جائیداد اور رقم کا لالچ دے کر قتل کر دیا تھا، اس کی بیوی نے مدعی معلوم ہونے والے ملزمان کے خلاف مقدمہ درج کرایا تھا۔ ملزم نے واردات کے دوران گھر میں لگے سی سی ٹی وی کیمرے پر کپڑا ڈال دیا تھا۔پولیس نے قتل میں ملوث تمام ملزمان کو گرفتار کرلیا، گرفتار ملزمان نے جائیداد اور پیسے کی لالچ میں قتل کا اعتراف کرلیا۔ایس پی فقیر آباد طلال احمد نے پریس کانفرنس کرتے ہوئے کہا کہ برطانوی نژاد پاکستانی شہری کے قتل میں ان کی اہلیہ، ساس اور دیگر رشتہ دار ملوث ہیں۔
