سابق آسٹریلوی کھلاڑی نے پاکستان کے خلاف ون ڈے سیریز میں شرمناک شکست پر اپنی ٹیم پر برس پڑے۔آسٹریلوی ٹیم کے سابق کپتان مائیکل کلارک نے ٹیسٹ کھلاڑیوں کو تیسرے میچ میں آرام دینے پر سوال اٹھاتے ہوئے کہا کہ اسمتھ، کمنز، اسٹارک، لیبو شین اور ہیزل ووڈ کو تیسرے میچ میں آرام کیوں دیا گیا۔مائیکل کلارک نے کہا کہ ان کھلاڑیوں کو 22 نومبر سے بھارت کے خلاف ٹیسٹ کے لیے آرام دیا گیا ہے۔ٹیسٹ وکٹ کیپر ایلکس کیری ڈومیسٹک ون ڈے کپ کھیل رہے ہیں۔ میرے خیال میں کرکٹ آسٹریلیا کو ہارنے کی کوئی پرواہ نہیں ہے۔ سابق کپتان نے مزید کہا کہ اگر آسٹریلیا نے پہلے دو میچ جیتے تھے تو انہیں آرام دینا سمجھ میں آتا تھا، جب سیریز فیصلہ کن میچ تک پہنچی تو آپ نے بڑے کھلاڑیوں کو آرام دیا۔دوسری جانب سابق آسٹریلوی کھلاڑی برینڈن جیولین نے کہا کہ شکست شرمناک ہے، شیڈول ایشو رہا، فیصلہ کن میچ سے قبل 5 کھلاڑی نہیں بٹھائے گئے۔علاوہ ازیں سابق آسٹریلوی کرکٹر اور کوچ مائیک ہسی کا کہنا تھا کہ ایسی کوئی جگہ نہیں جہاں کسی اہم میچ سے قبل 5 کھلاڑی آؤٹ ہوتے ہوں، تینوں میچز میں آسٹریلوی بیٹنگ کھل کر سامنے آئی ہے۔
